DANSFÉLAG REYKJAVÍKUR

1. grein
Félagið heitir Dansfélag Reykjavíkur, skammstafað DR, og er aðsetur þess í Reykjavík. Félagið er aðili að ÍBR, DSÍ og ÍSÍ og því háð lögum, reglum og samþykktum íþróttahreyfingarinnar.

2. grein
Markmið félagsins er að iðka samkvæmisdans sem íþrótt, efla áhuga á þeirri íþrótt og stuðla að bættri aðstöðu til iðkunar hennar.

3. grein
Félagið er öllum opið. Kjörgengi og atkvæðisrétt hafa þeir félagsmenn sem náð hafa 16 ára aldri og hafa fullgilt félagsskírteini. Á aðal- og félagsfundum getur enginn félagsmaður farið með meira en tvö atkvæði fyrir utan sitt eigið og skal það vera samkvæmt skriflegu umboði viðkomandi félagsmanna.

4. grein
Árgjald félagsins skal ákveðið á aðalfundi ár hvert. Gjalddagi félagsgjalds er 1. janúar.

5. grein
Greiði félagsmaður ekki félagsgjöld fyrir 1. mars sama ár , skal setja hann á skrá yfir óhlutgenga félaga, er ekki hafa leyfi til að keppa fyrir hönd félagsins, hafa ekki atkvæðisrétt á fundum þess og eru ekki kjörgengir í stjórn og nefndir.

6. grein
Stjórn félagsins skipa 5 menn: Formaður, varaformaður, ritari, gjaldkeri og meðstjórnandi. Stjórnin skal kosin á aðalfundi, þannig: Formaður til eins árs og 2 stjórnarmenn til tveggja ára. Ennfremur skal kjósa 2 varamenn og 2 skoðurnarmenn, til eins árs í senn. Ef fram koma tillögur um fleiri stjórnarmenn en kjósa á, skal stjórnarkjör vera skriflegt.

7. grein
Stjórninni ber að gæta hagsmuna félagsins í öllum greinum. Hún hefur umráð yfir eignum þess og boðar til funda. Stjórnin getur enga fullnaðarákvörðun tekið, nema meirihluti stjórnar séu henni fylgjandi. Stjórnin getur vikið mönnum úr félaginu, álíti hún framkomu þeirra félaginu til vansa. Þó getur viðkomandi óskað þess að málið verði tekið fyrir á félagsfundi.

8. grein
Reikningar félagsins miðast við áramót.

9. grein
Aðalfund skal halda ár hvert, eigi síðar en 15. apríl . Til aðalfundar skal boða með minnst 10 daga fyrirvara og er hann lögmætur sé löglega til hans boðað, án tillits til þess hversu margir mæta. Á aðalfundi skal kjósa fundarstjóra og fundarritara. Á aðalfundi skulu mál tekin fyrir í þeirri röð, sem hér segir:
1. Skýrsla stjórnar.
2. Lagðir fram endurskoðaðir reikningar.
3. Umræður um skýrslu stjórnar og reikninga. Reikningar bornir undir atkvæði.
4. Lagðar fram tillögur að breytingum laga félagsins, ef um er að ræða.
5. Ákvörðun árgjalda.
6. Kosning formanns, stjórnar, varastjórnar og skoðunarmanna, samkv. 6. grein laga félagsins.
7. Önnur mál.
Einfaldur meirihluti atkvæða ræður úrslitum allra mála.

10. grein
Lögum þessum má breyta á aðalfundi og nægir einfaldur meirihluti fundarins til þess að lagabreyting sé lögleg. Tillögur um lagabreytingar skulu hafa borist stjórn félagsins fyrir 1. mars og skal þeirra getið í fundarboði.

11. grein
Aukaaðalfund skal kalla saman með að minnsta kosti 10 daga fyrirvara:
a) Eftir ákvörðun aðalfundar.
b) Ef 3/4 hlutar stjórnar félagsins samþykkir það.
c) Þegar a.m.k. helmingur félaga óskar þess.
Á aukaaðalfundi verða aðeins tekin fyrir mál, sem tilgreind eru í fundarboði.

12. grein
Félagsfundi skal boða svo oft, sem stjórnin ákveður eða skrifleg ósk kemur frá eigi færri en 10 félagsmönnum. Félagsfundi skal boða með minnst þriggja daga fyrirvara og skal fundarefnis getið í fundarboði. Á félagsfundum skal kjósa fundarstjóra er stjórnar fundi og fundarritara, sem heldur fundargerð. Einfaldur meirihluti fundarins nægir til að samþykktir og breytingar á reglugerðum verði löglegar. Á félagsfundum er ekki hægt að breyta lögum félagsins. Heimilt er að hafa fundargerðir í þar til gerðum lausblaðamöppum.

Þannig breytt og samþykkt á aukaaðalfundi 9. júlí 2007.

Samþykkt á stjórnarfundi 6. apríl 1995 og framhaldsstofnfundi 30. apríl 1995.

Breyt. á aðalfundi 27. mars 1996.
Breyt. á aðalfundi 25. febrúar 1997.
Breyt. á aðalfundi 8. mars 1999.
Breyt. á aðalfundi 6.apríl 2000.

1.gr.
Fjáröflunarnefnd skal skipuð af stjórn félagsins til eins árs í senn. Starfstími nefndarinnar er sá sami og stjórnar.

2.gr.
Fjáröflunarnefnd skal skipuð fimm fulltrúum úr hópi félagsmanna og skal formaður valinn sérstaklega.

3.gr.
Markmið fjáröflunarnefndar er að skipuleggja og sjá um framkvæmd hópverkefna í fjáröflun til styrktar þeim keppnispörum, sem hyggja á keppnisferðir til útlanda á tímabilinu.

4.gr.
Fjáröflunarnefnd hverju sinni tekur ákvörðun um fjölda fjáröflunarverkefna á tímabilinu og gerir hvert verkefni upp að því loknu og skiptir hagnaði að jöfnu milli þátttakenda. Skal nefndin svo fljótt sem við verður komið skila rekstraruppgjöri vegna hvers verkefnis til gjaldkera félagsins, þó eigi síðar en 15 dögum eftir að verkefni lýkur. Í þeim tilvikum sem árangur fjáröflunar fer eftir einstaklingsframtaki getur fjáröflunarnefnd ákveðið fyrirfram að hagnaður skiptist milli þátttakenda eftir árangri hvers og eins.

5.gr.
Innistæðu í fjáröflunarsjóði má greiða út þegar útgjöld myndast vegna keppnisferðar.

6.gr.
Innistæða pars í fjáröflunarsjóði fæst greidd út hætti parið keppni. Hætti par af öðrum sökum við keppnisferð, fæst inneign þess í fjáröflunarsjóði færð yfir á næsta tímabil.

7.gr.
Fjáröflunarnefnd skal kynna keppnispörum með hæfilegum fyrirvara hvenær farið verður í fjáröflunarverkefni og setur tímamörk vegna þátttökutilkynninga. Nefndin getur hafnað þátttökutilkynningu, sem berst eftir lok auglýsts frests.

8.gr.
Óheimilt er að nota nafn félagsins til fjáröflunar, nema með vitund og samþykki fjáröflunarnefndar.

9.gr.
Ákvarðanir fjáröflunarnefndar eru gildar, þegar meiri hluti nefndarmanna tekur afstöðu og ræður atkvæði formanns úrslitum, falli atkvæði jafnt.

10.gr.
Fjáröflunarnefnd skal í upphafi starfstímabils skila til stjórnar félagsins framkvæmdaáætlun yfir tímabilið. Í lok tímabils skal nefndin skila skýrslu til stjórnar um störf nefndarinnar yfir starfstímabilið. Framanritaðar reglur eru samþykktar á aðalfundi Gulltopps (Dansfélags Reykjavíkur) 4. apríl 2001.

1.gr.
Keppnisferðanefnd skal skipuð af stjórn félagsins til eins árs í senn. Starfstími nefndarinnar er sá sami og stjórnar.

2.gr.
Keppnisferðanefnd skal skipuð fimm fulltrúum úr hópi félagsmanna og skal formaður valinn sérstaklega.

3.gr.
Markmið keppnisferðanefndar er að skipuleggja og sjá um undirbúning og framkvæmd keppnisferða til útlanda á vegum Dansfélags Reykjavíkur fyrir keppendur félagsins á tímabilinu. Jafnframt skal nefndin aðstoða keppendur félagsins, sem hyggja á keppnisferð á Norðurlanda-, Evrópu- og heimsmeistaramót við undirbúning ferðar.

4.gr.
Stjórn Dansfélags Reykjavíkur tekur ákvörðun um það hvort þjálfari fer með í keppnisferð, þegar fyrir liggja upplýsingar um fjölda þátttakenda og skal við það miðað, að kostnaður hvers þátttakanda fari ekki yfir kr. 5.000.- í hvert sinn. Fjárhæðin skal tekin til endurskoðunar á aðalfundi ár hvert. Stjórnin ákveður jafnframt hverju sinni hvort félagið leggi fram styrk til niðurgreiðslu á kostnaði vegna þjálfara. Verði ekki talin forsenda fyrir þátttöku þjálfara, skal skipaður fararstjóri úr hópi forráðamanna.

5.gr.
Halda skal fund með keppendum og forráðamönnum með hæfilegum fyrirvara áður en keppnisferð hefst. Á fundinum skal gerð grein fyrir fyrirkomulagi keppnisferðar, þekktum kostnaði á keppnisstað svo og ferða og gistikostnaði ef flug og gisting er skipulögð fyrir allan hópinn.

6.gr.
Áður en ferð er farin skulu keppendum og forráðamönnum kynntar þær keppendareglur, sem þjálfari eða fararstjóri setur hverju sinni. Að öðru leyti gilda reglur ÍBR og ÍSÍ um keppnisferðir. Jafnframt skal nefndin kynna þátttakendum aðrar reglur svo sem klæðareglur o.þ.h.

7.gr.
Áfengisneysla keppenda er bönnuð á keppnum og í keppnisferðum.

8.gr.
Ákvarðanir keppnisferðanefndar eru gildar, þegar meiri hluti nefndarmanna tekur afstöðu og ræður atkvæði formanns úrslitum, falli atkvæði jafnt.

10.gr.
Keppnisferðanefnd skal í upphafi starfstímabils skila til stjórnar félagsins framkvæmdaáætlun yfir tímabilið. Í lok tímabils skal nefndin skila skýrslu til stjórnar um störf nefndarinnar yfir starfstímabilið.

Framanritaðar reglur eru samþykktar á aðalfundi Dansfélags Reykjavíkur 4. apríl 2001.

Kara Arngrímsdóttir

ÆFINGAGJÖLD

Eftirfarandi skilmálar gilda um æfingagjöld hjá Dansskóla Köru og Dansfélagi Reykjavíkur.

Skilyrði er að æfingagjöld séu greidd í upphafi tímabils. Greiðsla æfingagjalda er forsenda fyrir þátttöku á æfingum, námskeiðum og mótum sem flokkur/hópur eða einstaklingur fer á. Allar skráningar eru háðar samþykki stjórnanda.
Ef iðkandi mætir á æfingar og forráðamaður gengur ekki frá æfingagjöldum innan þriggja vikna frá upphafi námskeiðs er sendur rafrænn greiðsluseðill fyrir æfingagjöldum enda er litið svo á að forráðamaður vilji nýta sér þjónustu Dansskóla Köru og Dansfélags Reykjavíkur. Ef forráðamaður vill breyta þeim greiðslumáta, leggst á umsýslugjald kr. 2.000 og einnig ef breyta þarf æfingagjaldi eða greiðslumáta eftir á. Ef breyting er gerð á greiðslumáta og / eða iðkandi er forskráður þarf forráðamaður að klára skráninguna með greiðslusamþykki innan fjögurra sólarhringa. Eftir það stofna starfsmenn skrifstofu greiðsluseðil fyrir gjaldinu sem ekki verður bakfærður og forráðamenn geta ekki sjálfir afskráð eða afpantað.

Æfingagjöld eru ekki endurgreidd eftir að námskeið er hafið. Kjósi iðkandi að hætta við æfingum verður úrsögn að berast með tölvupósti á netfangið dans@dansskoli.is og er einungis afgreidd af starfsfólki skrifstofu DK. Skilyrði til endurgreiðslu eru ef um búferlaflutning og/eða um alvarleg veikindi eða meiðsli er að ræða.
Mér er kunnugt að DK og DR tryggir ekki iðkendur.
Æfingatöflur eru birtar með fyrirvara og áskilja deildir sér rétt til breytinga á tímabilinu.
Ef æfingar falla niður af óviðráðanlegum ástæðum er reynt eftir fremsta megni að vinna upp þann æfingartíma. Finnist ekki auka tími fyrir æfinguna sem féll niður verður æfingin þó ekki endurgreidd.
Greiðslumátar sem boðið er upp í skráningakerfi félagsins Abler eru frístundastyrkur (6-18 ára), greiðsluseðlar og greiðslukort.
Eingöngu er hægt að ráðstafa frístundastyrk til félagsins í gegnum skráningakerfi þess.
Hvorki má flytja frístundastyrk milli systkina né milli ára.
Ráðstafaður frístundastyrkur sveitarfélaga er ekki endurgreiddur.
Mikilvægt er að hafa samband við skrifstofu ef um fjárhagserfiðleika er að ræða og finna úrlausn sem leiðir til áframhaldandi þátttöku iðkandans.
Greiðslukostirnir DK ln býður upp á eru tveir., Greiðsluseðlar og greiðslukort. Ef dreifa þarf greiðslum bendum við á að kynna sér dreifingu greiðslna á kreditkortum hjá ykkar banka. Teya sér um hirðingu greiðslukorta.
Það er með öllu óheimilt að blanda æfingagjöldum inn í aðra starfsemi hjá félaginu. Stjórnarfólk, starfsfólk, þjálfarar eða aðrir velunnarar félagsins fá engan afslátt af æfingagjöldum umfram þann sem almennt er veittur. Skrifstofa félagsins sér alfarið um allt (verklag, tæknibúnað, tengingar við frístund, afsláttarkjör, innheimtu sem er unnin í samráði við gjaldkera deilda þegar við á og úrlausn til þeirra sem eiga fjárhagslega erfitt með að borga fyrir börnin sín) sem tengist æfingagjöldum nema að ákveða upphæð hvers æfingagjalds. Hér sitja því allir við sama borð hvað æfingagjöld varðar.

PERSÓNUUPPLÝSINGAR

Eftirfarandi skilmálar gilda um félagatal hjá öllum hópum DK og DR

Ég sem foreldri/forráðamaður viðkomandi einstaklings samþykki að hann gerist iðkandi í DK og DR. Jafnframt lýsi ég því yfir að ég muni leggja mitt að mörkum til að styðja iðkandann í starfi hans.
Ég samþykki að DK og DR hafi heimild til að nota þær myndir sem kunna að verða teknar af iðkandanum í starfi með félaginu, til birtingar í útgáfum félagsins, á hvaða formi sem það kann að vera, þ.m.t., bæði á prenti og á vef. Óski forráðamenn eftir því að myndir verði ekki notaðar skulu þeir hafa samband við DK á netfangið dans@dansskoli.is
Farið er með þær upplýsingar sem safnað er sem trúnaðarmál og þær meðhöndlaðar sem slíkar. Upplýsingarnar verða ekki látnar þriðja aðila í té. Upplýsingum er safnað til að tryggja öryggi iðkanda í starfi.
Vegna Abler: Ég samþykki að DK og DR hafi heimild til að nota upplýsingar sem gefnar eru upp í þessari skráningu, til að tengjast Abler forritinu en það er notað af þjálfurum deildarinnar við mætingaskráningu, áætlanagerð og almenn samskipti við iðkendur og forráðamenn.

ÁRSREIKNINGUR 2024