Námskeið skólans skiptast í tvær annir, haustönn og vorönn. Haustönn er tímabilið september - desember og vorönn tímabilið janúar - apríl.

Börn 4-5 ára
4 – 5 ára börn læra dansa þar sem fléttað er saman dansi, söng og leik.  Einnig eru kenndir sígildir barnadansar s.s. Fugladansinn, Fingrapolki og Skósmiðadansinn svo eitthvað sé nefnt auk þess að þroska samskipti þeirra á milli.  Kennt er einu sinni í viku í 40 mínútur í senn og er önnin í 14 vikur. Á haustönn er jóladansleikur og á vorönn er grímudansleikur og nemendasýning sem er hluti af námskeiðinu og því innifalið í gjaldinu.

Börn 6-9 ára byrjendur
Á dansnámskeiðum fyrir 6-9 ára byrjendur eru kennd fyrstu sporin í nokkrum samkvæmisdönsum s.s Cha Cha Cha, Enskur vals, Samba og Jive. Kennd eru fyrstu sporin af Skottís og léttir Freestyledansar. Einnig læra þau fjöruga partýdansa. Lögð er áhersla á eðlileg samskipti og snertingu á milli kynja. Kennt er einu sinni í viku í 50 mínútur í senn og er önnin í 14 vikur. Á haustönn er jóladansleikur og á vorönn er grímudansleikur og nemendasýning sem er hluti af námskeiðinu og því innifalið í gjaldinu.

10 ára og eldri byrjendur
Hjá eldri börnum og unglingum eru kenndir almennir samkvæmisdansar og nokkrir af gömlu dönsunum. Mest áhersla er lögð á suður-amerísku dansana Cha Cha Cha, Jive og Samba. Kennt er einu sinni í viku í 50 mínútur í senn og er önnin í 14 vikur. Á haustönn er jóladansleikur og á vorönn er grímudansleikur og nemendasýning sem er hluti af námskeiðinu og því innifalið í gjaldinu.

Börn og unglingar framhald
Á framhaldsnámskeiðum er haldið áfram að byggja upp á þeim grunni sem börnin hafa lært og bætt inn fleiri dönsum og sporum. Kennt er einu sinni til fjórum sinnum í viku og er önnin í 14 vikur. Á haustönn er jóladansleikur og á vorönn er vetrardansleikur og nemendasýning sem er hluti af námskeiðinu og því innifalið í gjaldinu.

Freestyle
Á Freestyle dansnámskeiðinu eru kenndir dansar þar sem dansað er við vinsælustu tónlistina. Stigin eru spor og dansaðar hreyfingar sem bregður fyrir á tónlistarmyndböndum. Sett verður upp atriði sem sýnt verður á nemendasýningu skólans. Kennt er einu sinni til tvisvarí viku í 50 mínútur í senn og er önnin í 14 vikur.

.

Jazz
Jazz er byggður upp á gamla Broadway stílnum og færður til samtímans á skemmtilegan hátt. Það er notuð líkamleg tjáning við nýjustu tónlistina.

Break:
Break gjörbreytti fátækrahverfum New York ásamt Hip Hop menningunni sem varð til að klíkukrakkarnir fóru að kljást með rappi og dansi frekar en kylfum og sveðjum. Það þróaðist með James Brown byltingunni á 8. áratugnum en varð fyrst vinsælt á heimsvísu gegnum tónlistarmyndbönd og kvikmyndir um miðjan 9. áratuginn. Breakið tekur til sín hreyfingar úr m.a. capoiera, steppdansi, kung-fu, lindy-hoppi og fimleikum. Þó það sjáist minna núna en þegar æðið var sem mest kringum '86-'88, er það mun vinsælla og sífellt fleiri og stærri keppnir koma á hverju ári á heimsvísu auk þess sem fjöldi iðkenda margfaldast. Sett verður upp atriði sem sýnt verður á nemendasýningu skólans. Kennt er einu sinni í viku í 50 mínútur í senn og er önnin í 14 vikur.

.

.

Hiphop

Hiphop dans er nýjasta æðið á Íslandi í dag!! Á námskeiðunum lærir þú "The old school" og "The new school", það er semsagt gömlu klassísku danssporin í Hiphop og svo það allra ferskasta og nýjasta í Hiphop í dag ásamt því að læra "choreography", þ.e. dansrútínu. Námskeiðin eru jafnt fyrir stelpur og stráka. Hiphop dans snýst um að stjórna þínum eigin líkamshreyfingum þegar þú ert að dansa við Hiphip tónlist og tjá sig um leið og þú dansar við tónlistina. Sett verður upp atriði sem sýnt verður á nemendasýningu skólans.  Kennt er einu sinni í viku í 50 mínútur í senn og er önnin í 14 vikur.

Fullorðnir-samkvæmisdans
Fyrir fullorðna er boðið upp á námskeið í samkvæmisdönsum. Á námskeiðinu fyrir byrjendur eru kenndir suður-amerískir dansar sem nýtast á dansleikjum s.s. Jive, Cha Cha Cha, Mambó og Salsa ásamt Tjútti og fleiri dönsum. Kennt er einu sinni í viku í 75 mínútur í senn og er önnin í 14 vikur. Á haustönn er jóladansleikur og á vorönn er vetrardansleikur. Dansleikirnir eru hluti af námskeiðinu og því innifaldir í gjaldinu.

.

Salsa
Á þessu námskeiði eru kenndir suður-amerísku dansarnir Mambo og Salsa. Þetta eru skemmtilegir dansar við hina seiðandi suðrænu tónlist sem höfðar svo vel til okkar Íslendinga. Kennt er einu sinni í viku í 50 mínútur í senn og er önnin í 14 vikur. Boðið er upp á bæði framhalds- og byrjendahópa.

Salsa-einstaklingar
Kenndir eru sömu dansarnir og í paratímum en settir upp eins og línudansar. Kennt er einu sinni í viku í 50 mínútur í senn og er önnin í 14 vikur.

Michael Jackson (8 ára og eldri)
Kenndir verða dansar við vinsælustu lög Michael Jackson.  Mun bregða fyrir helstu hreyfingum meistarans.  Kennt er einu sinni í viku í 50 mínútur í senn og er önnin í 14 vikur.